ചേട്ടാ അടുത്തമാസം 12 ന് എന്‍റെ വിവാഹമാണ് വരണം
വരാം ..വരാം എങ്കിലും ചതിയായിപ്പോയി
ചേട്ടന് അങ്ങനെയെന്തെങ്കിലുമുണ്ടായിരുന്നെങ്കില്‍ നേരത്തേ പറഞ്ഞൂടായിരുന്നോ
ങേ....?
ങേ.......?
ഒന്നു പോ പെണ്ണേ തമാശ പറഞ്ഞതല്ലേ
ശരിക്കും തമാശ പറഞ്ഞതാണോ
അല്ല.................!

രണ്ടു പേര്‍ ചേര്‍ന്ന് മൂന്നാമതൊരാളുടെ കുറ്റം പറയുമ്പോഴുണ്ടാകുന്ന ആനന്ദമുണ്ടല്ലോ അതാണ് ശരിക്കും പരമാനന്ദം..ഹായ് ഹായ്

നുണക്കുഴിയുള്ളൊരു പെണ്ണിനെ ഇന്നലെ കണ്ടു.എന്‍റെ നോക്കല്‍ കണ്ട് അവളൊന്നു ചിരിച്ചു.ഇതു വരെ ആത്മാര്‍ത്ഥമായി ഞാന്‍ പ്രണയിച്ചതെല്ലാം മറന്നു.ഇപ്പോ ആത്മാര്‍ത്ഥമായി ആ നുണക്കുഴിയെ പ്രണയിച്ചോണ്ടിരിക്കുന്നു

ഒരിടത്ത് രണ്ട് പാര്‍ട്ടികളുണ്ടായിരുന്നു. എന്തഴിമതിയും കൊള്ളരുതായ്മയും ന്യായീകരിക്കുന്നതില്‍ ഒന്നാം സ്ഥാനത്തായിരുന്നു അതിലൊന്ന്. അപൂര്‍വമായി ഉണ്ടാകുന്ന വഴിതെറ്റലുകളെ മറ്റുള്ളവരേക്കാള്‍ നന്നായി ഉള്ളില്‍ നിന്നുതന്നെ വിമര്‍ശിക്കുകയും തിരുത്തുകയും ചെയ്യുമായിരുന്നു മറ്റൊന്ന്.

സീപ്പിപ്പച്ചയുടെ (കമ്മ്യൂണിസ്റ്റു പച്ചയെന്നു ചില രാഷ്ട്രീയക്കാർ വിളിക്കും ) ഇല പിഴിഞ്ഞതോ തൊട്ടാവാടിയുടെ ഇല വായിലിട്ടു ചവച്ചതോ വച്ചാൽ ഉണങ്ങാത്ത മുറിവില്ല. മനസിലെ മുറിവുണക്കാൻ ക്രിക്കറ്റ് കളിച്ചാൽ മതി.പച്ചമാങ്ങയും പച്ചവെള്ളവും മതി ഉച്ചയൂണിന് .മേയ്ക്കാൻ കൊണ്ടുപോയ പശുവിനെ കൃഷിയില്ലാതെ കിടക്കുന്ന വയലിൽ കുറ്റിയടിച്ചു കെട്ടിയതിനും നേരത്തിനും കാലത്തിനും കുളിപ്പിച്ചിട്ടു വീട്ടിലെത്തിക്കാത്തതിനും വീട്ടിലെത്തുമ്പോൾ കിട്ടും .ഒരു സിക്സറടിക്കാനോ ബൗൾഡാക്കാനോ നല്ലൊരു ക്യാച്ചെടുക്കാനോ കഴിഞ്ഞാൽ അതിന്റെ ഓർമ്മ മതി അതെല്ലാം മറക്കാൻ.ക്രിക്കറ്റിനോടുള്ള അന്നത്തെ ആത്മാർഥത ജീവിതത്തിലിന്നോളം മറ്റൊന്നിനോടും കാണിച്ചിട്ടില്ല